القصيدة التي أغضبت الخليجيات

القصيدة التي أغضبت الخليجيات Evil or Very Mad

هذه قصيده كتبها احد الخليجيين بعد قدومه من المغرب

دعونا نرى ماذا قال ؟ ولماذا غضبوا؟

ياللي تنشد عن علوم الذي طاف ..... كل البحور وكل دوله وديره
خذ من علومي علم اوصافه اوصاف ..... جزل سمين يشتعل له سعيده
الزين عقب المغربيات ينعاف ...... غيد لهن بالزين ذكره و سيره
فيهن حلا طاغي ولين و تعطاف ..... وفيهن حنان يشعل القلب غيره
حلوات وصف وفاهمات بالاعراف ...... زيننات منطق صافيات السريره
بنات قوم طيبهم غصب ينشاف ..... اولاد مغرب بالليال العسيره
ياللي تنشد عن علومي بالانصاف ..... هرجي يكفي صامله عن كثيره
الزين في لميا وتغريد و الطاف ..... ماهوب في حصه وكشره ومنيره

الزين عقب المغربيات ينعاف

الرد قوي
الشاعرة حصة بنت سعد العتيبي

قال الذي في بدع الامثال صراف ..... جزل يفرق بين درهم وليره
ياللي مدحت المغربيات بجحاف ..... الله يجيرك من عماه البصيره
لو تعجبك لميا وتغريد والطاف ..... مايصلحن لهل الوجيه السفيره
مفصخات ولبسهم حول الارداف ..... وبليس اغواهم بكشف الستيره
متعودات كلهم زيف وخفاف ..... على التغنج والتعطف وغيره
كل يوم مع صاحب ولا فيهم اعفاف ..... خويهم اللي فلوسه كثيره
ترى البضايع عده اشكال واصناف ..... وكل ينوخ وسط سوقه بعيره
عز الله ان الطيب في بنت الاشراف ..... اللي على الحشمه تربت صغيره
ولا تبين منها كود الاطراف ..... مثل القماشه فالبحور الغزيره
ياللي تدور بالجواهر والاصداف ..... الزين كله في بنات الجزيره

رد آخر

سعيد الحمالي

قال الذي عدا علي كل مشراف .. وخاض الفيافي والبحور الغزيره
الحق عندي واقطعه صدق وانصاف .. وترضخ لي القيفان لو هي عسيره
يوم القلم بالزور في يديك رعّاف .. لي سيف شعر باظهره من جفيره
ياللي توصف عقب ما رحت طوّاف .. ثم جيتنا محتاس وراسك تديره
ومن الغواني صارلك خدن واولاف .. من ديرة فيها المراقص كثيره
لولا الدراهم ما حصلك تعطّاف .. وحنانهن معروف وشهو مصيره
واعرافهن اعراف رقص وتغرياف .. حلوات منطق والنوايا شريره
ولا رحت من عقبك طوابير واطواف .. ياالجاهل المغرور يا اعمي البصيره
حصه ونوره ساسهن طيب واعفاف .. دهم الاصايل يا مدور حميره
حصه ونوره كلهن زين وظراف .. وما همهن هرج العقول الغريره
وكشرة منيره كيف يا اللاش تنعاف ؟ .. حامض علي بوزك بنات الجزيره

وهذا رد للمرحوم الشاعر طلال الرشيد .....
يابن الحلال ان طعتني خل الاسراف .. واترك جمال الغيد لاهل البصيـره
الزين موبس في الملامح والاوصاف .. الزين روح وعفه وطيب سيـره
مانيب من يهوى سريا وانصـاف .. انا هواي وبس بنت الجزيـره
بنت الخليج اللي تماري بالاعـراف .. وحنا نماري باسمها كل ديـره
مالي غرام بقول وخا وبالــزاف .. اذبحتني عند الطرحه المستديـره
احب قولة ياهلا وعل وماخـلاف .. من بنت ثوبي بنت الارض النضيـره
اللي تحلاها الظبي حلو الاطراف .. جمال في عفه ورقه وغيـره
واللي بها سحر مهو سحر عراف .. ياعل عين ماتراها ضريـره
عطف وحنان وذوق في لين الاعطاف .. والى كشفت لثامها شفت أميـره
صعب على اللي بالردي شاف ماعاف .. وحلوه على اللي سنه الله ضميره
شمس الى من اشرقت والدجا طاف .. غابت نجومك غصب لو هي كثيـره
السيف مايزهى سوى كف سيـاف .. والخيل دون حصانها مستخيره
بس أنت دورلك على قدك لحـاف .. وان طعتني دور بدلنا عشيـره

flower

في البدايه عصبت بس بعدين ما قصروا شعرنا
يسلمووووو ع الموضوع

ثانكس ع المرور الرائع

انا حتى ما عجبتنييييييييييييي في البدايه لكن بعدين عجبتنيييييييييييييي في النهاية!!! Laughing